Convocation - 2026 November



2026.11.04

උපාධි ලෝගු, මාල, උපාධි හිස්වැසුම් ලබා ගැනිම, පෙරහැර අංක නිකුත් කිරිම හා උපාධි ප්‍රධානොත්සවය උපදෙස්

  1. උපාධි ප්‍රදානෝත්සවයේ දී උපාධිලාභීන්ට පැළදීම සඳහා අවශ්‍ය උපාධි ලෝගු, මාල සහ උපාධි හිස්වැසුම් නිකුත් කිරීම 2026 නොවැම්බර් මස 08 වැනි දින රුහුණ විශ්වවිද්‍යාලයේ දුරස්ථ හා අඛණ්ඩ අධ්‍යාපන ඒකකයේ දී සිදුකිරීමට කටයුතු යොදා ඇත.
    • ලෝගු නිකුත් කිරීමට නියමිත දිනය: 2026.11.08
    • ලෝගු නිකුත් කිරීමට නියමිත වේලාව: පෙ.ව. 9.00 සිට ප.ව. 04.00
    • ස්ථානය: දුරස්ථ හා අඛණ්ඩ අධ්‍යාපන ඒකකය / රුහුණ විශ්වවිද්‍යාලය

  2. උපාධි ලෝගු, මාල හා හිස්වැසුම් ලබා ගැනීම සඳහා ඊට අදාළ අයදුම්පත ද ස්වකීය අනන්‍යතාවය තහවුරු කිරීම සඳහා විශ්වවිද්‍යාලය මඟින් නිකුත් කර ඇති ශිෂ්‍ය වාර්තා පොත ද උපාධි නිකුත් කරන නිලධාරියා වෙත ඉදිරිපත් කළ යුතුය.

  3. උපාධි ලෝගු, මාල හා හිස්වැසුම් ලබා ගැනීමට පැමිණීමට පෙර දුරස්ථ හා අඛණ්ඩ අධ්‍යාපන ඒකකයෙහි වෙබ් අඩවියෙහි (https://www.dceu.ruh.ac.lk/convocation.php) ඇති ප්‍රශ්නාවලිය සම්පුර්ණ කළ යුතුය. එය සම්පුර්ණ කිරීමෙන් පසු ඔබට උපාධි ප්‍රදානෝත්සවය සඳහා ලියාපදිංචි වු වෙබ් අඩවිය (https://paravi.ruh.ac.lk/convocation) හරහා ලෝගු, මාල හා හිස්වැසුම් ලබා ගැනීම භාර දීම සඳහා වන අයදුම්පත බාගත (download) කළ හැකි අතර, එහි මුද්‍රිත පිටපතක් අදාළ දින රැගෙන පැමිණිය යුතුය.

    සැලකිය යුතුයි: ප්‍රශ්නාවලිය හා අදාළ ගෙවීම් සම්පුර්ණ කිරීමෙන් පසුව පමණක් ලෝගු, මාල හා හිස්වැසුම් ලබා ගැනීම භාර දීමට අදාළ අයදුම්පත බාගත (download) කළ හැකිය (A ආකෘති පත්‍රය සහ B ආකෘති පත්‍රය අඩංගු අයදුම්පත්‍රය).

  4. හැදුනුම්පතක් නොමැති අයෙකු වෙතොත් ස්වකීය අනන්‍යතාවය තහවුරු කිරීම සඳහා විශ්‍වවිද්‍යාලයට පිළිගත හැකි වෙනත් අනන්‍යතා සහතිකයක් රැගෙන පැමිණිය යුතුය.

  5. උපාධි ප්‍රදානෝත්සවය පැවැත්වෙන දිනයේ දී හෝ උපාධි ප්‍රදානෝත්සවය නිම වී සති ‍දෙකක් ඇතුළත උපාධි ලෝගුව, මාල සහ හිස් වැසුම මේ සමඟ ඇති අයදුම්පත මඟින් භාරගන්නා නිලධාරි/ ගබඩා භාරකරු ‍වෙත භාර දී අදාළ රිසිට්පත ලබාගත යුතු අතර, එසේ භාරදුන් බවට ශිෂ්‍ය වාර්තා පොතෙහි ද සහතික කර ගත යුතුය.

  6. නියමිත කාල සීමාව ඉකුත් වී‍මෙන් අනතුරුව උපාධි ලෝගුව, මාලය සහ උපාධි හිස්වැසුම භාරදීම ප්‍රමාද වන සෑම දිනයක් සඳහාම දිනකට රු. 250/= බැගින් වන ප්‍රමාද ගාස්තුවක් අය කරනු ලබයි.

  7. ඔබ වෙත නිකුත් කරන ලද උපාධි ලෝගුව, මාලය සහ උපාධි හිස්වැසුම ඔබ භාරයේ තිබිය දී යම් අලාභයක් හෝ හානියක් සිදු වී ඇත්නම් ඒවායේ සම්පුර්ණ වටිනාකම හා ඊට අතිරේක ව එම වටිනාකමින් 25%ක ගාස්තුවක් ගෙවිය යුතු වේ.

  8. උපාධි ලෝගුව, මාලය සහ උපාධි හිස්වැසුම භාරදුන් බවට ලබාගත් රිසිට්පත උපාධි සහතික නිකුත් කරනු ලබන නිලධාරී වෙත ඉදිරිපත් කිරීමෙන් පසු ඔබ හට උපාධි ප්‍රදානෝත්සව දිනයේදීම එනම් 2026.11.20 දින දුරස්ථ හා අඛණ්ඩ අධ්‍යාපන ඒකකයේදී උපාධි සහතිකය ලබා ගත හැකිය.

  9. ඔබට පවරා ඇති පෙරහැර අංකයට අනුව, පිළිවෙලින් ප.ව. 1.00 ට (8 වන සැසිය සඳහා) උපාධි ප්‍රදානෝත්සවයේ අදාල සැසියට සහභාගී වීමට අපේක්ෂා කරන උපාධිධාරීන් රබීන්ද්‍රනාත් තාගෝර් අනුස්මරණ ශ්‍රවණාගාරය ඉදිරිපිට උපාධි ප්‍රදානෝත්සවයේ ඔවුන්ට අදාල ස්ථාන වල රැදී සිටිය යුතුය. ඔබේ උපාධි ලෝගුවේ ඉහළ වම් කෙළවරේ, ඇතුල්වීමේ අවසර පත්‍රවලට අමුණා ඇති ඔබේ පෙරහැර අංකය ද පැළඳ ගත යුතුය.

  10. සියලුම උපාධිධාරීන්ට උපාධි ප්‍රදානෝත්සව ශාලාවට අමුත්තන් දෙදෙනෙකු පමනක් රැගෙන ආ හැකි අතර, සෑම උපාධිධාරියෙකුටම ඒ සඳහා ප්‍රවේශ පත්‍ර දෙකක් ලැබෙනු ඇත. ශාලාවට ඇතුළුවීම සඳහා සෑම අමුත්තෙකුම ප්‍රවේශ පත්‍රය ඉදිරිපත් කළ යුතුය. වයස අවුරුදු 12 ට අඩු ළමයින් සහ ප්‍රමාද වී පැමිණෙන අය උපාධි ප්‍රදානෝත්සව ශාලාවට ඇතුළත් නොකෙරේ.

  11. උපාධි ප්‍රදානෝත්සවයට සහභාගී වීමට අවසරය ඇති උපාධිධාරීන්ට පමණක් සහභාගී වීමට අවසර ලැබෙන අතර, තම අනන්‍යතාවය ඔප්පු කිරීමට අපොහොසත් වන ඕනෑම අයෙකුට උපාධි ප්‍රදානෝත්සව ශාලාවට ඇතුළු වීමට අවසර නොලැබේ.

  12. උපාධිධාරී බෞද්ධ භික්ෂූන් වහන්සේලාට උපාධි ලෝගුව, මාලය සහ තොප්පිය හෝ විජිනිපත් නිකුත් නොකෙරේ, මන්ද ඔවුන් උපාධි ප්‍රදාන පෙරහැරට සහභාගී වන්නේ උපාධි ලෝගුව, මාලය, තොප්පිය හෝ විජිනිපත් නොමැතිවය.

  13. උපාධිධාරීන් ජාතික ඇඳුමකින් හෝ සම්පූර්ණ යුරෝපීය ඇඳුමකින් සැරසිය යුතු අතර, කාන්තා උපාධිධාරීන් උත්සව වාතාවරණයට ගැලපෙන ජාතික ඇඳුමක් හෝ වර්ණවත් සාම්ප්‍රදායික සාරියකින් හෝ ඔසරියකින් සැරසිය යුතුය.

  14. උපාධි ප්‍රදානෝත්සව ශාලාව තුළ ඡායාරූප ගැනීම සපුරා තහනම්ය. කැමරා, ඡායාරූප උපකරණ, ජංගම දුරකථන, අත්බෑග්, වතුර බෝතල්, ගමන් මලු, පාර්සල් සහ ඒ හා සමාන ද්‍රව්‍ය උපාධි ප්‍රදානෝත්සව ශාලාවට ගෙන ඒම තහනම්ය.

  15. උපාධි ප්‍රදානෝත්සවයේදී උපාධි ප්‍රදානය ඡායාරූප ගත කිරීමට සහ රූගත කිරීමට විශ්වවිද්‍යාලය වෘත්තීය ඡායාරූප ශිල්පීන්ට කටයුතු සූදානම් කර ඇත. උත්සවයේ ඡායාරූප හෝ වීඩියෝ මිලදී ගැනීමට කැමති උපාධිධාරීන්ට තම උපාධි ප්‍රදානෝත්සවයේදී වැල්ලමඩම සංකීර්ණයේ බලයලත් වෘත්තීය ඡායාරූප ශිල්පීන් සමඟ ඔවුන්ගේ අවශ්‍යතා සාකච්ඡා කළ හැකිය. උපාධි ලෝගු, මාල හා හිස්වැසුම් ලබා ගන්නා දින ඔබට අදාල ගෙවීම් සිදුකොට අදාල ඡායාරූප තෝරාගැනීම සිදුකල හැක. ඡායාරූප හෝ වීඩියෝ මිලගනන් හා අදාල ඡායාරූප ශිල්පී ආයතන ඉදිරියේදී දැනුවත් කරනු ලැබේ.

  16. උපාධි ප්‍රදානෝත්සවය සඳහා පෙරහුරුවක් පවත්වනු නොලබන අතර, ඒ සඳහා ඔබගේ දැනගැනීම පිණිස පසුගිය උපාධි ප්‍රදානෝත්සවයේ වීඩියෝවක් ලබා දෙනු ලැබේ. එය උපාධි ප්‍රදානෝත්සව දිනයට පෙර උපාධි ප්‍රදානෝත්සවය සඳහා ලියාපදිංචි වූ පද්ධතිය හරහා ලබා ගත හැකිය. එය පිලිබඳ අවධානය යොමු කරන්න මෙන් දන්වා සිටී.




ශාස්ත්‍රවේදී (සාමාන්‍ය) බාහිර උපාධිය සම්පූර්ණ කරන ලද උපාධිලාභින්ගේ සමූහ ඡායාරූපය ලබාගැනීම (2026 උපාධි ප්‍රදානෝත්සවය)

2026.10.22

22026 උපාධි ප්‍රදානෝත්සවය සඳහා සුදුසුකම් ලබන ලද ශාස්ත්‍රවේදී (සාමාන්‍ය) බාහිර උපාධිය සම්පූර්ණ කරල ලද උපාධිලාභින්ගේ සමූහ ඡායාරුපය ගැනිම 2026.11.08 වන දින පෙරවරු 08.00ට විශ්වවිද්‍යාල‍යේ දී සිදු කිරීමට කටයුතු යොදා ඇත.

සමුහ ඡායාරූපය සඳහා සැරසිය යුතු ආකාරය පහතින් දක්වා ඇත.

  • ශිෂ්‍යයන් -කලු කලිසම සහ සුදු ෂර් ට් එකට ඉහලින් දැමූ කලු කෝට් එක සමග රතු ටයි පටියෙන් සැරසිය යුතුය. (සපත්තු කුට්ටම සහ බඳ පටිය කලු වර්ණයෙන් පැළඳීමට සැලකිලිමත් වන්න)
  • ශිෂ්‍යාවන් - තනි සුදු සාරියෙන් සහ සුදු මුතුඇට පොටකින් සැරසී සිටීම සහ කොන්ඩය ගෙඩියක් ලෙස සරසා තිබීම

ඡායාරූප වෙනුවෙන් අයකරන ගාස්තු සහ ඊට අඳාල වැඩිදුර තොරතුරු දැනගැනීමට සමුහ ඡායාරූපය ලබාගැනීම වෙනුවෙන්ම නිර්මාණය කර ඇති වට්ස් ඇප් සමූහයට එකතු වීමට පහත සිසුන් සම්බන්ද කරගැනීමට කටයුතු කරන්න.

  • පූජ්‍ය උනැල්ලේ ගුණතිස්ස හිමි - 0762556217
  • කේ.එච්.ජීවා සුදර්ශි - 0775471005
  • ඊ.එම්.පී.ජී.ටී.එස් නවරත්න - 0769407358


උපාධි ප්‍රදානෝත්සවය සඳහා ලියාපදිංචිය

2026.09.17


රුහුණ විශ්වවිද්‍යාලයීය 33 වන උපාධි ප්‍රදානෝත්සවය 2026 නොවැම්බර් මස 18, 19, හා 20 තෙදින පැවැත්වීමට නියමිත අතර බාහිර උපාධිලාභීන් සඳහා 2026 නොවැම්බර් මස 20 වන දින උපාධි ප්‍රදානෝත්සවය පැවැත්වීමට නියමිත වේ. පහත නම් ලැයිස්තුවේ නම් සඳහන් සිසුන් සඳහා මෙහි ඇති මාර්ගගත අයදුම්පත හරහා ලියාපදිංචිය කල යුතුය. තවද, උපාධි ප්‍රධානොත්සවය සඳහා රු: 6,500.00 ක (ආපසු නොගෙවන ගාස්තු) මුදලක් ගෙවිය යුතු අතර, ඊට අඳාල ගෙවීම් වවුචර්පත ලියාපදිංචිය අවසානයේ ලබාදෙනු ඇත.

උපාධි ප්‍රදානෝත්සවයට අදාල තොරතුරු දූරස්ථ හා අඛණ්ඩ අධ්‍යාපන ඒකකයේ වෙබ් අඩවිය (www.dceu.ruh.ac.lk) සහ පහත දක්වා ඇති උපාධි ප්‍රදානෝත්සවයට අදාළ ලියාපදිංචි වන වෙබ් අඩවිය ඔස්සේ පමණක් සිසුන් වෙත දැනුම් දෙන අතර සිසුන් වෙත ලිපි මගින් කිසිදු තොරතුරක් දැනුම්දෙනු නොලැබේ. මේ නිසා උපාධි ප්‍රදානෝත්සවය සම්බන්ධ සියලු සන්නිවේදන කටයුතු සඳහා ඉහත වෙබ් අඩවි ඔස්සේ දිනපතා සම්බන්ධ වී යාවත්කාලීන වන මෙන් දන්වා සිටි. යම්කිසි ගැටලුවක් වෙතොත් 0412223133 හරහා දූරස්ථ හා අඛණ්ඩ අධ්‍යාපන ඒකකය අමතන්න.


උපාධි ප්‍රදානෝත්සවය සඳහා ලියාපදිංචි වීමේදී පහත කරුණු පිළිබඳ ඉතා සැළකිලිමත් වන ලෙස දන්වා සිටී.

ලියපදිංචි වීම සඳහා පිවිසීමට කරුණාකර ඔබේ ශිෂ්‍ය ලියාපදිංචි අංකය සහ ජාතික හැඳුනුම්පත් අංකය (NIC) ඇතුළත් කළ යුතුය. ඔබ ශිෂ්‍ය ලියාපදිංචි අංකයේ නිවැරදි ආකෘතිය භාවිතා කර ඇති බවට වග බලා ගත යුතුය.

උදා - ලියාපදිංචි අංකය
  • RU/EXT/A/2010/21240
  • RU/DCEU/HS/2015/17/31548

ජාතික හැඳුනුම්පත් අංකය
  • 892383638V
  • 2000254589322

උපාධි සහතිකයෙහි මුද්‍රණය කිරීමට භාවිතා කරනුයේ මෙහි සඳහන් වන/සඳහන් කරන නම වන අතර, ඔබේ නම නිවැරදිව ඇතුළත් කර ඇති බවට ඔබ විසින් වග බලා ගත යුතුය. උපාධි සහතිකයේ මුද්‍රණය කරන නම මතු අවස්තාවකදී කිසිසේත්ම වෙනස් කරනු නොලැබේ. (උප්පැන්න සහතිකයට අනුව නම නිවැරදිය යුතුය.)

ගෙවීම් සිදුකිරීමෙන් පසුව අවශ්‍ය නම් විශ්වවිද්‍යාලයට ඉදිරිපත් කිරීම සඳහා ගෙවීම් වවුචරය ඔබ සතුව තබා ගත යුතුය.

2026 සැප්තැම්බර් 30 වැනි දිනට පෙර ඔබේ ගෙවීම් සිදු කළ යුතුය.



Registration Student Name List